Día das Bibliotecas

Para comemorar o Día das Bibliotecas, botamos unha ollada ao pasado e repasamos a evolución da "Fraga dos soños".

Hora de ler

Día Internacional das Persoas con Discapacidade

Para traballar a concienciación sobre a situación e necesidades das persoas con diversidade funcional propomos varias reflexións e diferentes contos que contan moito. Tamén un serie de curtas que axudan a visibilizar o tema que nos ocupa.

Pequenos grans de area van facendo montañas, pon o teu!

Ademais desta proposta, nas sesións de Educación Física da semana do 11 ao 15 o alumnado poderá experimentar algunhas das dificultades e trabas coas que se atopan as persoas con diversidade funcional. 

PDI. Proceso de elaboración

Día Internacional da Infancia

O 20 de novembro celébrase o Día Universal da Infancia, un día para concienciar sobre a situación dos nenos e nenas máis desfavorecidos, para defender os seus dereitos e para actuar e colaborar con aquelas campañas e iniciativas que traballan para protexelos.

A continuación, algúns recursos para traballar o tema.

Visita de Isaac Bargiela

Hoxe tivemos o pracer de contar cun exalumno con moita arte e amor polo que fai. Isaac Bargiela explicounos como é o traballo dun deseñador de iluminación, escenógrafo e creativo.

Encantounos, moitas grazas Isaac!

25-N

Día das bibliotecas

Para amenizar este día e axudar a divulgar a importancia das bibliotecas, escoitaremos cancións que falen delas, da lectura e dos libros.

Animación á lectura

Ciclo de literatura infantil e xuvenil

Escritoras galegas premiadas

Dúas autoras galegas Premios Nacionais!

• Yolanda Castaño

Premio Nacional de Poesía

• Paula Carballeira

Premio Nacional de Literatura Dramática

PDI artisTEAndo con Moucho-Brey

Outras actividades

A biblioteca, no seu amplo e acolledor espazo, tamén acolle outras actividades como as seguintes:

• Charla sobre manobras de emerxencia e RPC.
• Charla sobre hixiene bucodental.
• Charla sobre o mel e as abellas.

Encontro literario con Eva Mejuto

Este día as alumnas e alumnos de Educación Infantil e o 1º nivel de Primaria gozaron coa presenza e o conto desta fabulosa escritora. Dez Gatiñas Viaxeiras foi o elixido nesta ocasión, aínda que non quixemos deixala ir sen recordar dous contos que nos encantaaaaaaan outro tanto, A Mosca Chosca máis Corre, Corre Cabaciña (elixido por EI para facer a Caixa dos Recordos dun Libro)!

Moitísimas grazas Eva, queremos verte pronto! 

Encontro literario con Celia Núñez

Tivemos a sorte e o pracer de poder contar, unha vez máis na nosa biblioteca, con esta gran escritora ourensá. Nesta ocasión eliximos a obra de teatro Unha Estrela para Amina. 

Moitísimas grazas Celia, por compartir o teu tempo con nós e polo fermoso agasallo!

Encontro literario con María Canosa

E Chegou o tan esperado día! O alumnado de 2º de primaria traballou no seu itinerario lector o conto O día que choveu do revés e encantounos a forma de contalo desta marabillosa persoa e escritora!

Mil grazas María, esperámoste prontiño! 

Encontro literario con Andrea Maceiras

Todo un gusto ter compartido este Encontro Literario con Andrea Maceiras. Canto aprendemos sobre a Amazonia e o Medio Ambiente; e canto desfrutamos! 

Moitísimas grazas Andrea!

Charla coa asociación Nós Mesmas

Charla coa asociación Nós Mesmas  como complemento ao 25N, ao 8M e a toda a labor a prol da Igualdade real: 

• http://asonosmesmas.blogspot.com

Marabillados quedamos coa sinxela e clara explicación brindada por Robe, da asociación Nós Mesmas, sobre a diversidade de familias e os estereotipos de xénero. Xeniaaaaaal! 

Graciñas por contribuír tan ben á inclusión e ao respecto á diversidade afectivo-sexual.

Encontros literarios

O vindeiro mes de maio temos a sorte e o pracer de realizar diferentes encontros literarios con algunhas das autoras elexidas o Día das Escritoras, procurando, ao redor da súa persoa e das súas obras, un maior coñecemento das mesmas á par que o merecido recoñecemento de cara a celebración do Día das Letras Galegas (moi poucas escritoras homenaxeadas). A primeira en visitarnos vai ser a gran Andrea Maceiras, que ansia de coñecela!

 

En abril, libros mil !

Este mes de abril o libro é o protagonista, e para celebralo organizamos diversas actividades nas que toda a comunidade educativa conta moito! Graciñas a todas e todos! Velaquí deixamos a nosa programación, mostras das actividades e algunha fotiño a partir da que podedes escribir a nosa bilblioteca escolar!