BIBLIOPATIO EN MARCHA

HORA DE LER NO PATIO NO DÍA DO LIBRO

Un ano máis saímos ao patio para celebrar o Día do Libro. Compartiron lecturas  padriños e madriñas cos seus afillados con moita emoción. Vanse desenvolvendo vínculos afectivos moi especiais entre eles.Os maiores síntense importantes preparando un conto para os pequenos , e éstos están encantados de recibir uns contacontos tan entregados.Este ano tamén houbo os que se animaron a lerlles poesías incluso inventadas por eles mesmos.
 Había un ambiente de lectura inmellorable e un murmurio de historias que voaban polo aire.

RECUNCHO LECTOR NO PATIO

Hoxe queremos presentarvos o noso recuncho lector, paso a paso. Este é un dos recunchos  incluidos dentro dun proxecto sobre patios inclusivos elaborado  por Paula Abalde González.
Axudounos a tomar conciencia da influencia que o entorno ten nas  nosas vidas e no noso comportamento. Ensinounos a observar, analizar e ver con outros ollos o noso patio.   

Tivemos inauguración oficial e todo!!

 Dende aqui queremos darlle as grazas por  ilusionarnos a todos,  alumnos e alumnas, profesores e profesoras e incluso ás familias co seu traballo.

CONTACONTOS DE 4º A

Deixámosvos aqui unha pequena mostra dos alumnos e alumnas de 4ºA contándolle contos ao alumnado de Educación Infantil.

Noraboa polo voso traballo!!

FEIRA DAS CIENCIAS

Este venres o noso alumnado de 6º, estivo amosando os seus proxectos na Feira de Ciencias, organizada polo Concello. Dende aqui queremos dar a noraboa a todos eles e elas e ao resto do alumnado dos outros centros participantes por achegarnos a ciencia de tan perto. 

PARABENS!!

PREPARANDO A SEMANA DAS CIENCIAS

Os alumnos e alumnas de 6º estiveron durante estas semanas falándonos sobre o seu proxecto de ciencias, un proxecto sobre a reciclaxe. Faláronos da necesidade de reciclar, reducir e reutilizar para evitar a contaminación do noso planeta e para coidar da nosa saúde .

DÍA DO AUTISMO

O 2 de abril, Día do autismo,   como xeito de concienciar sobre o tema  ao   alumnado de Ponteareas, a asociación Familias Azuis convidounos ao auditorio a mirar dúas curtametraxes. Curtametraxes que nos axudaron a entender o mundo do autismo.
A viaxe de María é unha pequena excursión ao mundo interior dunha adolescente con autismo, unha viaxe dende que nace, no percorrido duns pais que ven como a súa filla se comporta dun xeito especial ata confirmar o diagnóstico: autismo.
Aqui deixámosvos esta historia por se queredes coñecela.




A outra curta foi "Academia de especialistas", historia que tamén vos invitamos a coñecer. Se queredes mirala só tendes que clicar no título.

Ao final déronnos unha galleta como agasallo na que poñía :

                 "O autismo non é unha enfermidade"