8 DE MARZO, DÍA INTERNACIONAL DA MULLER

 No Bouza Brey non podemos deixar de felicitar a todas esas mulleres que foron, son e serán referentes imprescindibles nas nosas vidas. Esta é a nosa homenaxe para elas..

21 DE MARZO, DÍA INTERNACIONAL DA POESÍA

No Bouza Brey, para comezar a primavera poética, recitamos versos que nadan, que voan, que cantan... dun fermoso libro: "Os Bechopoemas e outras bestas" de Leire Bilbao editado por Kalandraka.

CON R DE ROSALÍA

No día de hoxe, imos amosarvos o resultado final do noso mural. Despois de recolectar unha gran cantidade de palabras con "R", escollidas polos alumnos e alumnas do noso centro, recordando os poemas da nosa ilustre galega, Rosalía de Castro.

QUEDOUNOS BEN BONITO!

Por outra banda, tamén queremos facer especial fincapé no alumnado de 6º B, que resultaron gañadores da III edición do concurso de poemas ilustrados de Rosalía de Castro.

NORABOA RAPACES E RAPAZAS!

Con R de Rosalía no 24 de febreiro

Nesta semana lembramos a Rosalía de Castro, muller pioneira , como as científicas que recordamos estes días  pasados na conmemoración do día da Muller na ciencia.

Vamos facer entre todo o cole un mural con esas palabras sentidas que ela escribiu nos seus poemas en galego que levan a letra R. Gozaremos esta semana da lectura das súas poesías para escollelas e traballar así con elas.

Vós propoñemos unha ollada a esta música de hoxe en día que pon en valor os versos de Rosalía.

Desfrutade da poesía.

Día Internacional da Muller e a Nena na Ciencia

   

    Oxalá non houbera que celebrar días internacionais dedicados a nenas e mulleres... 

    Se queredes cambiar o conto decubride, investigade, experimentade e axudade a visibilizar o magnífico traballo científico desenvolto durante tanto tempo por elas ata o día de hoxe. Canto lles debemos!

Quizáis vos sexades os próximos grandes cidadáns de ciencia!

30 de Xaneiro

Día da Ilustración

Na Biblioteca do Bouza Brey, buscamos ilustradores que diseñen unha nova imaxe do Don Moucho da Fraga dos Soños.

A próxima semana teremos o resultado do gañador ou gañadora do concurso "Na procura de Don Moucho".

  

Día da Paz

Outro día importante nesta data é o Día da Paz, onde os axudantes da Biblioteca escolleron as súas cancións preferidas para bailar e cantar durante todo o ano pola Paz. Podedes acceder a través dos enlaces que podedes ver a continuación.

Lista Spotify Día da Paz

Cancións e letras

Nadal Máxico

 ... e rematamos o ano coa actuación do Mago Chirleta, que visitou as aulas de infantil grazas ao programa "Máxica...mente". Que teñades unhas boas e máxicas vacacións!