31M – Día Internacional da Visibilidade Trans

Día Internacional da Poesía

Convocamos o II Concurso de Poemar á Muller, no que destacamos o poema elaborado por Dna Graciela, avoa de Daniela Fernández Frontán e os fantásticos Podcast do alumnado dos Clubs de Lectura. Tamén houbo aulas que fixeron pareados e Haikus estupendos, parabéns a todas as persoas participantes!

Contacontos con Benxamín Míguez

Ademais das actividades programadas para o 8M, tamén tivemos con nós ao contacontos con Benxamín Míguez.

Grazas ao este magnífico contador de contos puidemos desfrutar dunha historia especial, as aventuras e desventuras de princesas aburridas de ter vida de princesas.

8M – Día Internacional da Muller

Neste 2023 no cole queremos aportar o noso gran de area ao logro da igualdade real entre mulleres e homes (equidade) visibilizando ás mulleres favoritas das nosas vidas (familiares, pintoras, músicas, escritoras, deportistas, científicas...), así como como algúns dos cambios necesarios no día a día para acadar tal realidade co mural “Imaxes que falan, accións que cambian”.

Para complementar estas actividades deixamos a continuación uns recursos (guías de lectura, vídeos e películas... ) cos que traballar a coeducación os 365 días do ano! 

Día Internacional da lingua materna Día de Rosalía

EDLG, Biblioteca e Extraescolares informan:

Conmemoracións 21 e 23 de febreiro 

Día Internacional da lingua materna - Día de Rosalía

Durante o recreo dos días 23 (3º e 4º primaria) e 24 (5º e 6º de primaria) proxectarase na biblioteca a curtametraxe que aparece ao final do documento, suxerindo ás aulas de Educación Infantil máis 1º e 2º de primaria a reprodución na clase da canción “Eu falo así” e un pequeno diálogo de como falan eles, os seus pais, avós… + O Rap da Lingua e o conto - CD “Rosalía Pequeniña”.

En calquera caso, e en calquera dos niveis, sempre poderemos usar e xogar coa lingua galega seguindo as actividades propostas ao final ou outras que vós consideredes!

Recomendacións lectoras de Nadal

En época de soños e desexos invitámosvos a gozar das lecturas seleccionadas polo equipo da biblioteca para este período vacacional. Visitade as librarías locais e agasallade aventuras, emocións, grandes viaxes, coñecemento, ledicia...

Día Internacional da eliminación da violencia contra as mulleres

Ningunha violencia debería ter cabida na historia da humanidade, e moito menos, no día a día de nenas e mulleres. No noso cole apostamos pola coeducación e o bo trato 365 días ao ano mediante moitas lecturas en violeta e en cores, así como diferentes actividades de visibilización da muller e de apoio ao colectivo LGTBI.

Animádevos a ver e ler algúns dos seguintes recursos.