FORMANDO USUARIOS NA BIBLIOTECA

Este mes na nosa biblioteca estamos realizando actividades de formación de usuarios. Queremos que o noso alumnado esté ben formado e coñeza os mecanismos do funcionamento desta para que non se desorienten ou desanimen cando queiran facer uso dela. Un dos nosos obxectivos con estas actividades é promocionar, facilitar e achegarlles este servizo.

                           
                                        

                                        

                                        

O MAGO CHIRLETA VISITA A NOSA BIBLIOTECA

Nas bibliotecas ocorren cousas inexplicables : libros que cambian de sitio, obxectos que aparecen e desaparecen, estranos sons que non se sabe de onde veñen… En toda biblioteca hai maxia. Polo simple feito de estar chea de libros e de persoas que os len, de palabras e  imaxes, de música e de cine…

Por todo isto e máis tivemos a sorte de atoparnos na nosa co Mago Chirleta que quixo vir a visitala. Ensinounos trucos de maxia incluso tamén cos contos. Pasámolo tan ben que xa estamos desexando volver  telo connosco.

GRAZAS MAGO CHIRLETA!!!

FELIZ DÍA DAS BIBLIOTECAS ESCOLARES

Co obxectivo de concienciar á sociedade da importancia da lectura e como homenaxe e recoñecemento á labor dos/as bilbiotecarios/as, celébrase o Día da Biblioteca, o 24 de outubro, por iniciativa da Asociación Española de Amigos do Libro Infantil e Xuvenil, en colaboración co Ministerio de Educación, Cultura e Deporte.

Este ano, as autoras selecionadas para a redacción do pregón e o deseño do cartel que se difunde foron as gañadoras do Premio Nacional 2015, Ledicia Costas e Elena Odriozola.

 O texto de Ledicia Costas, é precioso. GALIX  facilítanos a súa orixinal versión en galego e do que entresacamos este parágrafo: 

"Alguén me contou que o 24 de outubro é o Día da Biblioteca. Sería xenial organizar unha festa con confeti e pompas de xabón. Celebrala ao grande. Encantaríame vestirme para tal ocasión como o personaxe dalgún libro, sentarme na mesa dunha biblioteca da cidade onde vivo e esperar a que fosen visitarme. Nas bibliotecas podes ser quen ti queiras. Desde Mary Poppins ata Matilda, Atreyu, Drácula ou mesmo Pippilotta Viktualia Rullgardina Krusmynta Efraimsdotter Långstrump. Podes poñerte botas de pelo, plumas, zancos e chapeus. Chapeus! Iso é! Imaxino a unha pequena lectora achegándose a min discretamente, atraída polas cores e formas do meu chapeu:

-- Sombreireira tola, que festa máis marabillosa! Sería tan amable de servirme unha cunca de té?" 

En Galicia, a campaña de visibilidade da biblioteca escolar deste curso 2016/2017 lembra que a Biblioteca Escolar é "territorio das Artes", un espazo no que aproximarse á produción artística do noso país e de todas as culturas.

FELIZ DÍA DAS BIBLIOTECAS!! 

MES DAS BIBLIOTECAS ESCOLARES

Para celebrar o Mes das Bibliotecas escolares propoñemos por unha banda  actividades relacionadas co lema deste ano, Biblioteca escolar, base de exploración:

-Exposición de diferentes libros de consulta nos que poderedes atopar as respostas ás preguntas que veredes aparecer polos corredores do centro.
-Exposición de libros de lectura de viaxes, exploracións, aventuras...

Por outra banda, actividades relacionadas co lema escollido para a nosa biblioteca este curso, Un libro...o mundo máxico da lectura.

• Infantil coloreará o debuxo que lles proporcionará o equipo
• Primeiro e segundo ciclo plasmarán o lema nun debuxo.
• Terceiro ciclo elaborará un cartel publicitario no que apareza o lema.

Todos os traballos serán expostos nos corredores e escollerase un por ciclo que logo utilizarémolos como logo para as guías de lectura deste curso.O 26 daranse a coñecer os elixidos.

OURUBRO, MES DAS BIBLIOTECAS

Durante este mes, coma todos os anos, organizáronse diferentes actividades na biblioteca:

• Posta en marcha das mochilas viaxeiras  para compartir a lectura coas súas familias  . Poden deixar  suxestións ou contar a experiencia de lectura compartida no "diario da mochila.

• Comenzo da HORA DE LER

• Exposición  “Biblioteca escolar... matemático” que foi visitada polos diferentes cursos.Exposición de libros relacionados coas matemáticas (libros de lectura, de texto de fai anos, de actividades ou pasatempos relacionados co tema...)

• Concurso de debuxo a partir do lema deste ano para a nosa biblioteca "Un libro... o mundo nas túas mans"
•