FELICES FESTAS

Este ano propuxémos felicitar o novo ano en distintas línguas, coñecidas moitas delas po alún do noso alumnado.
O equipo da biblioteca e toda a comunidade educativa do CEIP Fermín Bouza Brey deséxavos un FELICES FESTAS e moi BOAS LECTURAS.

BO NADAL E FELICES LECTURAS!!!

O equipo da biblioteca e toda a comunidade educativa do CEIP Fermín Bouza Brey deséxavos un BO NADAL E FELICES LECTURAS.

FESTA DE NADAL

Para que recordedes algúns momentos do festival de Nadal,  deixámosvos unha pequena mostra de fotos dos diferentes cursos asi como da actuación do noso mago particular, o profe Fernando.

FELICES FESTAS A TODOS E TODAS!!!

CANTOS DE NADAL E DE REIS

Noutros tempos  era tradición nas nosas parroquias ir cantar polas casas nestas festas de Nadal. Percorríanse  as aldeas ou parroquias cantando panxoliñas, cantos de Nadal e cantares de Reis, toda unha tradición oral relacionada con esta épocal. Estas fermosas pezas de literatura popular  foron transmitidas oralmente ó longo dos séculos. Solicitábase o aguinaldo despois de cantar, xeralmente en especie (viño, chourizos, touciño, doces, lambetadas, etc.),.

Os Reises cantamos pedindo aguinaldo

chourizas, touciño pra face-lo caldo.

Pra face-lo caldo,  pra face-lo caldo,

chourizas, touciño pedindo o aguinaldo

Pola zona sur da provincia de Pontevedra conservamos a nosa propia tradición de cantos de Nadal. As rondallas e os Ranchos de Reis son a expresión típica destas comarcas. Estes grupos percorren as parroquias durante estas datas.
Os músicos da rondalla visten dun xeito uniformado, levan capas, usan boina e preside a comitiva un abandeirado.

RANCHOS DE REIS

Os Ranchos de Reis son danzas típicas de  Ponteareas, Mondariz, Salceda de Caselas, Redondela e outras localidades da comarca do Condado. Saen o 5 e 6 de xaneiro e percorren as rúas entoando cantigas populares ó ritmo das pandeiretas e doutros instrumentos que acompañan as danzas.
As danzas que se executan son xeralmente de paus, arcos, cintas ou castañolas.  Debemos sinalar que nas danzas de paus e de cintas  hai un  posible significado solar vinculado ó ciclo anual do Sol: nelas dánzase ó redor dun pau central con fitas de cores que son sostidas polos danzantes que se entrecruzan e trazan círculos cada vez máis pequenos mentres as van trenzando sobre este eixo ata quedaren tódalas fitas trenzadas no pau. Despois, destrenzanas ata abriren totalmente o colorido círculo de fitas simbolizando, dalgún xeito, o renacer anual do Sol tralo solsticio de inverno.  Os danzantes levan espellos e obxectos reflectantes nas súas coroas o que fai pensar  aínda máis no carácter solar do baile.

          


         

En torno ás datas do Nadal, na nosa comarca, existen  fermosas tradicións onde a música, o canto e a danza son os protagonistas. Hoxe,  moitas das vellas tradicións e dos antigos ritos perdéronse e outras van camiño de esmorecer, pero aínda hai xente que se resiste a perdelas e co seu traballo manteñen vivo o lume da nosa cultura. 

FESTIVAL DE NADAL

Como cada ano por estas festas, quixemos celebrar o comenzo das vacacións cunha festa.Había moito traballo detrás. Moitas horas de preparativos e ensaios nas que mestres e alumnos puxeron todo o seu empeño e corazón para que fora unha festa inolvidable.

Panxoliñas, cancións, poemas e coreografías diferentes fixeron inevitables as risas e lágrimas entre o público.

Deixámosvos unha pequena mostra do que alí aconteceu.

FELICES FESTAS E BOAS LECTURAS!!!

UN LIBRO POLO NADAL

                                   
Un ano máis facémosvos chegar as nosas recomendacións para o Nadal. Un bo momento para ler só ou en compañía.
Non vos esquenzadae de incluir un na vosa lista de agasallos.

BO  NADAL  E  FELICES  LECTURAS!!!
                                          

                                               

EXPOSICIÓN DE LIBROS PARA O NADAL

 As portas da nosa biblioteca abríronse durante este mes para presentar as novidades dalgunhas editoriais, dentro da nosa campaña "Un libro polo Nadal".  O noso alumnado estará visitándoa, e os martes pola tarde as familias,  para poder ir  escollendo posibles títulos para
a súa lista de agasallos.

 incluílos na lista de agasallos.

LIBROS PARA ESTE NADAL

Dos libros da exposición estos foron os escollidos por vós.Non vos esquenzades que paga a pena aproveitar estas datas para incluir un libro entre a vosa lista de agasallos.

BO NADAL E FELICES LECTURAS!!!

UN LIBRO POLO NADAL

Un ano máis abrimos as portas da nosa biblioteca para presentar as novidades dalgunhas editoriais, dentro da nosa campaña "Un libro polo Nadal". Durante o mes de decembro o noso alumnado estivo visitándoa e os martes pola tarde as familias,  así xuntos escollen posibles títulos para poder incluílos na lista de agasallos.