APADRIÑAMENTO LECTOR NO DÍA DO LIBRO

Por fin chegou o gran día! Un día cheo de lecturas, emocións e ilusións. Un día no que se comparte moito máis que lectura, é unha das actividades favoritas tanto dos maiores coma dos pequenos. Cada ano todo o alumnado agarda revivir impacientes todos os sentimentos provocados polas historias lidas con tanto agarimo.As palabras voaban dos libros provocando sorrisos, conversas e aloumiños. Moitos intercambiáronse agasallos como lembranza dese momento.
Xa son moitos  anos celebrando esta festa pero segue a mesma ilusión entre padriños e afillados.

Foi un auténtico pracer!!!
Parabéns a todos e todas!!!

ALICIA NO PAÍS DAS MARABILLAS DA NOSA BIBLIOTECA

A obra máis emblemática do escritor inglés Lewis Carroll, Alicia no país das marabillas, cumple 150 anos . Para celebralo  organizamos no noso centro unha exposición de libros traidos polo noso alumnado. Xunto con estos tamén trouxeron outros libros relacionados coa maxia, tema escollido para o lema deste ano da nosa biblioteca.
Disfrutamos dun mes cheo de MAXIA!!!

DÍA MUNDIAL DO LIBRO

Este é o díptico elaborado polas Bibliotecas Escolares de Galicia, con texto de María Solar, para celebrar  o Día  Mundial do Libro e dos Dereitos de Autor.

FELIZ DÍA DO LIBRO!!!

CORTOS DE ANIMACIÓN PARA TRABALLAR O DÍA DO LIBRO

Deixámosvos estos cortos de animación cun mesmo obxectivo : fomentar a lectura entre os máis novos.

Desexamos que vos gusten e despois de velos o único que vos apeteza facer sexa ler un libro.

EXPOSICIÓN DÍA DO LIBRO

Ao longo deste curso, levamos realizando diferentes actividades relacionadas coas matemáticas. Para celebrar o día do libro queremos facer unha exposición con libros de lectura que teñades na casa relacionados con este tema. Poden ser de temática matemática ou que o título conteña algunha palabra relacionada co tema (A selva dos números, Os sete cabuxos, Os tres porquiños...)

Animádevos a participar!!!

FOMOS DE TEATRO :"FRANKENSTEIN , TREME O MISTERIO"

Hoxe fomos ao teatro." Frankenstein, treme o misterio" foi a obra que nos representou o grupo Ghadafellos.

Unha aventura nas entrañas dun castelo onde os investigadores, a Dra. Mon Champignom e o Dr. Pe Arrepío investigan se o  monstro de Frankenstein existe ou non. Cólanse dentro onde se atopan con Igor, unha estrana personaxe chepuda.  

 Frankenstein é un clásico da literatura,  é una obra que sempre está vixente xa que as veces, é complicado expoñer a monstruosidade á que pode chegar o ser humano por buscar a perfección. 

Iso pasoulle a Víctor Frankenstein e pasalles ás persoas que non se aceptan a si mesmas. De iso trata esta obra: da autoestima do ser humano.

Puidemos disfrutar dunha impresionante escenografía e grandes efectos especiais,  dunha aventura que ten pinceladas de cine negro e debuxos animados. 

ABRIL, MES DOS LIBROS

Estreamos este novo blog da biblioteca con esta entrada que tamén fala de libros. Por fin xa temos de novo un espazo para seguir comunicándonos, avisándovos das novidades e convidándovos a participar nas actividades que organicemos. 
Neste mes xa temos en marcha o programa de actividades para conmemorar 
O DÍA DO LIBRO.

• Contacontos.

• Taller de teatro, para o 3º ciclo, coa escritora Raquel Castro Martínez.

       

                                     

• Exposición de contos clásicos aportados polas familias.
• Apadriñamento lector.

        Desexamos que disfrutedes con todas as actividades!!!