CONTOS DE MEDO POLO SAMAÍN

Os máis peques do cole disfrutaron dos contos de medo que lle contaron as profes. Foron momentos moi especiais!!!

DÍA DAS BIBLIOTECAS . APTAS PARA TODOS OS PÚBLICOS. COA IGUALDADE DE XÉNERO

A MAXIA DA LECTURA

Hoxe, día das bibliotecas escolares propoñémosvos unha actividade. Despois de ver este curto teredes que inventarvos unha historia, unha historia que incentive a visitar a biblioteca e a ler.

Se vos animades a participar podedes entregarllos aos vosos profesores ou profesoras. Iremos subindo algúns ao blog para que todos podamos disfrutar das vosas historias.

ANIMÁDEVOS!!

DÍA DAS BIBLIOTECAS ESCOLARES

Dende 1997 celébrase o Día da Biblioteca o 24 de outubro,  conmemoración impulsada pola Asociación de Amigos del Libro Infantil y Juvenil . Esta asociación, membro da OEPLI, facilita na súa páxina o cartel e o pregón para esta conmemoración, obra desta vez do ilustrador Miguel Calatayud e  a escritora Gemma Pasqual.

Este ano o Ministerio de Cultura e Deporte propón,  pola súa parte,  a incorporación do lema "aptas para todos os públicos", co obxectivo de salientar o papel das bibliotecas na promoción da igualdade de xénero. As bibliotecas escolares galegas teñen o seu propio lema para este curso BIBLIOTECA ESCOLAR, VIVEIRO DE CIDADANÍA,  que conta cunha imaxe propia creada por Óscar Villán.

A biblioteca escolar é a primeira coa que entran en contacto os nenos e as nenas, con ela aprenden a usar as outras bibliotecas , son espazos do coñecemento e lecer nos que pasan moitas cousas , lugares para a igualdade e a diversidade. (ASESORÍA DAS BIBLIOTECAS ESCOLARES GALEGAS)

ENTRE FOLLAS XA EN MARCHA

Entre Follas, club de lectura de profesores e profesoras, deste ano xa está en marcha.
Falamos sobre o último libro lido "La verdad sobre el caso Harry Quebert" .  A próxima lectura
será "Ollos de auga" de Domingo Villar.

MOCHILAS VIAXEIRAS

Xa están en marcha as mochilas viaxeiras. Fixádevos na cara de Carla. 

Que gañas de abrila coa familia e de empezar a disfrutala!!!