O Día Internacional da Ciencia para a Paz e o Desenvolvemento é un evento anual que se celebra en todo o mundo dende o ano 2002 coa finalidade de concienciar sobre a importancia da ciencia facendo fincapé no uso responsable da mesma para o beneficio das sociedades, en particular, para a erradicación da pobreza (futuro sostible - ODS 2030).
Dende o cole, un ano máis, tamén queremos aportar o noso gran de area achegando a ciencia a nosa biblio e aulas a través de: diversos experimentos, conversas e visibilización de diferentes persoas de ciencias, recomendacións lectoras e o fomento de visitas a museos de ciencias próximos (Naturnova, Vigo).
Xa vos iremos amosando os nosos traballos!
De entrada, deixámosvos o seguinte folleto informativo que contén o texto de Amparo Alonso Betanzos (Premio María Josefa Wonenburger Planells 2020), así como varias actividades organizadas en distintos concellos relativas a esta efeméride. Igualmente, dous interesantes videos pola equidade na ciencia.
Bo día rapazada
Xa comezamos o Club de Lectura. O martes 19 e o xoves 21 tivemos as primeiras reunións co alumnado de 5º e 6.º.
Repartimos os libros e comentamos como ían ser as reunións e actividades que levaremos a cabo durante o curso.
Volverémonos reunir durante o mes de novembro.
Os de quinto comentaremos o libro Chamádeme Simbad de Francisco Castro e os de sexto O carteiro de Bagdad de Marcos S. Calveiro.
Deixámosvos un par de fotos para que vexades o guapos e guapas que saíchedes.
Esperamos que visitedes moito a biblioteca, un espazo para ler, aprender e descubrir. E, para facelo do mellor xeito posible, deixámosvos esta breve formación inicial de usuarios.
Rematou o curso e , aínda que "A Fraga dos soños" peche, as aventuras continúan.
Por iso, aquí tedes unhas recomendacións lectoras das que poidades gozar no verán.
Ao longo de todo o curso estivemos en plena actividade, pero este mes de maio, máis aínda!
A continuación amosamos algunas das propostas, esperamos que vos gusten e, sobre todo, leades e moitoooooooo!
Comezamos a Semana do Libro no CEIP Fermín Bouza Brey cunha gran estrea!!
Queremos presentar o froito dun proxecto que empezou alá no mes de xaneiro, con motivo do Día da Ilustración.
Queríamos poñer en valor o traballo de debuxantes e ilustradores, e fomos á procura deles no cole, grandes pequen@s artistas que con enxeño imaxinaron un Don Moucho renovado.
Entón lembramos a un antigo alumno do cole, que pasou toda a súa etapa escolar polos nosos corredores, aulas e patios e que converteu a súa paixón polos libros e o debuxo na súa profesión, Pablo Prado, autor de banda deseñada e ilustrador, formado na escola de Garaxe Hermético, de Pontevedra.
Foi fermoso que aceptase o proxecto de crear para a nosa biblioteca unha historia cos seus debuxos. Ideou un libro. As aventuras de Don Moucho, unha viaxe lectora por mundos soñados coas personaxes dalgunhas das lecturas preferidas do noso alumnado.
Queremos dar as grazas a Pablo Prado por "ilustrar" as paredes da Fraga dos Soños coa ilusión de viaxar por unha morea de mundos. Mundos pola equidade e igualdade, pola diversidade e inclusión, mundos de ciencias e de letras, mundos do pasado e do futuro, mundos pola xustiza...Unha chea de mundos por ler e viaxar!
No Bouza Brey non podemos deixar de felicitar a todas esas mulleres que foron, son e serán referentes imprescindibles nas nosas vidas. Esta é a nosa homenaxe para elas..
No día de hoxe, imos amosarvos o resultado final do noso mural. Despois de recolectar unha gran cantidade de palabras con "R", escollidas polos alumnos e alumnas do noso centro, recordando os poemas da nosa ilustre galega, Rosalía de Castro.
QUEDOUNOS BEN BONITO!
Por outra banda, tamén queremos facer especial fincapé no alumnado de 6º B, que resultaron gañadores da III edición do concurso de poemas ilustrados de Rosalía de Castro.
NORABOA RAPACES E RAPAZAS!
Nesta semana lembramos a Rosalía de Castro, muller pioneira , como as científicas que recordamos estes días pasados na conmemoración do día da Muller na ciencia.
Vamos facer entre todo o cole un mural con esas palabras sentidas que ela escribiu nos seus poemas en galego que levan a letra R. Gozaremos esta semana da lectura das súas poesías para escollelas e traballar así con elas.
Vós propoñemos unha ollada a esta música de hoxe en día que pon en valor os versos de Rosalía.
Desfrutade da poesía.
Oxalá non houbera que celebrar días internacionais dedicados a nenas e mulleres...
Se queredes cambiar o conto decubride, investigade, experimentade e axudade a visibilizar o magnífico traballo científico desenvolto durante tanto tempo por elas ata o día de hoxe. Canto lles debemos!
Quizáis vos sexades os próximos grandes cidadáns de ciencia!
