Recomendacións lectoras de Nadal

En época de soños e desexos invitámosvos a gozar das lecturas seleccionadas polo equipo da biblioteca para este período vacacional. Visitade as librarías locais e agasallade aventuras, emocións, grandes viaxes, coñecemento, ledicia...

Día Internacional da eliminación da violencia contra as mulleres

Ningunha violencia debería ter cabida na historia da humanidade, e moito menos, no día a día de nenas e mulleres. No noso cole apostamos pola coeducación e o bo trato 365 días ao ano mediante moitas lecturas en violeta e en cores, así como diferentes actividades de visibilización da muller e de apoio ao colectivo LGTBI.

Animádevos a ver e ler algúns dos seguintes recursos.

   

Día Mundial da Ciencia para a Paz e o Desenvolvemento

Non deixes de tomar conciencia da importancia da Ciencia na vida cotiá. 

O Samaín

Exposición de libros sobre esta festa tan divertida para nós! 

Tamén algunha curtametraxe de medo, mamasiña!

Día Internacional das Bibliotecas

Benvidas e benvidos a a este novo curso! Hoxe estamos de celebración!

Conmemoramos o Día Internacional das Bibliotecas, unha iniciativa que serve para dar a coñecer a importancia da biblioteca como centro de recursos de lectura, información e aprendizaxe, nun marco de creatividade infinita, que debe facilitar oportunidades de aprendizaxe diversas e ocasións para o encontro entre os distintos membros da comunidade educativa en relación coa lectura, o acceso ao coñecemento e a cultura en xeral.

Deben ser organismos vivos, viveiros de cidadanía nos que caben moitas actividades diferentes: ler, xogar, investigar, conversar, documentarse, informarse, aprender, visualizar películas e curtas, facer préstamo de libros, estudar, navegar nas webs, etc...

• Fíxate no marabilloso cartel ilustrado pola galega Xulia Vicente. O lema deste ano é BilioTEcuida, a maiores do que acompaña a esta efeméride dende 2019, Apta para todos os públicos!

• Coa fin de sacarlle o maior proveito a nosa biblioteca, mira a seguinte presentación e aprende a usala!

• Na seguinte entrada deixámosche as bases do noso concurso de escritura creativa, anímate a participar!

Concurso de escritura creativa

Entre as actividades organizadas este ano para conmemorar o Día Internacional das Bibliotecas, está o concurso de Lettering e Haikus, relacionado co lema das Bibliotecas Escolares de Galicia no presente curso académico: "Escribir a biblioteca escolar".

Anímate a participar! Na seguinte ligazón deixámosche as bases do concurso:

• Bases do concurso de escritura creativa.

E, para amenizar e axudar a divulgar escoita!

• Música para o día Interncacional das Bibliotecas

Pasiños cara unha biblioteca creativa

Levamos tempo querendo formar parte do programa de innovación educativa "Biblioteca creativa" e este curso optamos por formarnos un pouquiño.

Concerto na biblioteca

O 31 de maio tivemos a gran sorte de disfrutar dun miniconcerto na biblioteca grazas a algúns dos músicos da Banda Municipal de Música de Ponteareas e a mestra de educación musical do cole, Antía. Espectaculares profesionais grazas aos que coñecemos máis de preto algúns instrumentos musicais e afinamos o oído. Moitísimas grazas e esperamos repetir!

Encontro coa gran Ledicia Costas

Por fin chegou o gran día!

Foi unha honra e un pracer recibir, por terceira vez na biblioteca do noso cole, a esta exitosa escritora galega. Autora de numerosas obras, tanto infantís como para adultos, esta vez conversamos con ela sobre a súa obra “A señorita Bubble” e adiantounos sobre o que versará a terceira entrega (pistas no video).

Había unha gran ilusión por vela e escoitala de novo!

Moitísimas grazas querida Ledicia!

Día do Libro

Chegou o Día Mundial do Libro, no CEIP Fermín Bouza Brey celebrarémolo na semana do 25 ao 29 de abril, do seguinte xeito:

Día Internacional da Visibilidade Trans

Hoxe, 31 de marzo de 2022, conmemoramos o "Día Internacional da Visibilidade Trans". É unha conmemoración anual que ten lugar o 31 de marzo, dedicada á celebración das persoas transxénero e á sensibilización contra a discriminación cara ás persoas trans en todo o mundo.

Ciencia na biblioteca

Un ano máis a ciencia estivo moi presente nas aulas e na biblioteca. Ademais dos traballos realizados con motivo das conmemoracións dedicadas á ciencia, o Concello de Ponteareas celebrou a "Semana das Ciencias" do 21 ao 25 de marzo, durante a cal nos convertemos en pequenos científicos.

Día Internacional da Poesía

Nesta cita pretendemos promover a lectura e a escritura de poemas a través dunha imaxe divertida e versátil deste xénero literario, creando poemas para as mulleres das nosas vidas, historia...

• Proposta de activades febreiro-marzo.
• Poemas da aula de 1º A.
• Traballos do alumnado nos clubs de lectura.
• Podcast do alumado.

Día de Rosalía

Canto queremos a nosa escritoria máis solemne e internacional. Gran autora e feminista nus tempos difíciles para as mulleres, acadou co seu legado e tesón o recoñecemento merecido, polo que non podemos deixar de lembrarnos dela nesta data especial.

Este curso seguimos a proposta da asociación de escritoras e escritores en lingua galega.

Día da Ilustración 2022

O Día da Ilustración vense celebrando desde o ano 2014 por iniciativa da Consellería de Cultura, Educación e Universidade máis a Asociación Galega de Profesionais da Ilustración (AGPI). A finalidade é promover a obra dos ilustradores/as galegos/as de hoxe en día, así como reivindicar o traballo de profesionais clásicos, en moitas ocasións pioneiros, como é o caso do homenaxeado este ano: Reimundo Patiño.

Actividades do Día da Ilustración

Deixámosvos un resumo dos traballos realizados para conmemorar o Día da Ilustración.

 

Día Escolar da Non Violencia e a Paz

Cada 30 de xaneiro estamos de dobre celebración, este curso no cole preparáronse diferentes actividades por parte dos distintos equipos docentes. A coreografía da canción "Móvete" de Paco Nogueiras, o mural "Construímos Paz"... e para quenes queirades facer información documental deixámosvos o seguinte documento.